Þín útivist, þín ánægja

Fyrirtækið

Reksturinn nær aftur til ársins 1972 og byrjaði í upphafi sem prjónastofa á Hvammstanga og hefur því verið starfandi í verslunar- og heildsölurekstri og framleiðslu á fatnaði í yfir 45 ár. Eigandi Drífu ehf er Ágúst Þór Eiríksson sem kom inn í fyrirtækið árið 1984 en í dag er fyrirtækið þekktast undir nafni Icewear sem er aðal vörulína fyrirtækisins.

Í upphafi var áhersla á framleiðslu úr íslenskri ull til heildsölu á Íslandi en einnig til útflutnings. Markmiðið frá upphafi hefur verið að vöruframboð hafi tengingu við Ísland og uppfylli eftirspurn ferðamanna.

Árið 2010 voru kaflaskil þegar fyrirtækið opnaði sína fyrstu smásöluverslun við Bankastræti í Reykjavík. Síðan þá hefur mikið vatn runnið til sjávar og í dag er aukin áhersla á eigin verslanir sem eru orðnar fjölmargar en um leið að halda áfram uppi öflugri heildsölu eins og verið hefur frá upphafi.

Starfseminni í dag má skipta upp í tvo megin flokka sem eru hönnun, framleiðsla og sala á útivistarfatnaði, ullarvörum og fylgihlutum undir nafni Icewear annars vegar og sölu og dreifingu á gjafavöru og minjagripum undir merkjum Icemart hins vegar. Fjöldi starfsfólks Icewear er um 180-200 manns.

Verslanir

Verslanir Icewear eru í dag fjórtán talsins og eru þær hver með sínu sniði og eru undir merkjum Icewear, Icewear Magasín, Icemart eða Woolhouse. Verslanirnar eru staðsettar í miðbæ Reykjavíkur, Akureyri, Vestmannaeyjum, Vík í Mýrdal þar sem prjónastofan er einnig staðsett.

Icewear starfrækir heildverslun og vefverslun sem þjónustar viðskiptavini víða um heim. Þá rekur fyrirtækið einnig þjónustu- og verslunarmiðstöðina Icewear Magasín í Vík í Mýrdal þar sem hýsir Icewear, Icemart og Woolhouse og einnig prjónaverksmiðju, veitingastaði, kaffihús, matvöruverslun og almenna þjónustu fyrir ferðamenn sem eiga leið hjá.

Fatnaður

Icewear útivistarfatnaðurinn er hannaður af hönnunardeild Icewear á Íslandi fyrir íslenskar aðstæður og er framleiðsla bæði hérlendis og erlendis.

Útivistarlínan samanstendur af tæknilegum útivistarfatnaði fyrir margbreytilegt íslenskt veðurfar og harðgert landslag þar sem nauðsynlegt er að geta brugðist rétt við mismunandi aðstæðum.

Ullarlínan samanstendur af breiðu úrvali af fatnaði og fylgihlutum bæði með þjóðlegri íslenskri tengingu eins og t.a.m. lopapeysan og ullarsokkar, ásamt vörum með norrænum áhrifum en einnig er úrval sígildum og almennum ullarvörum.

Icewear leggur áherslu á fjölbreytileika og breiða vörulínu á sanngjörnu verði sem þjónar sem flestum.

Minjagripir

Minjagripadeild Icewear hefur um árabil boðið upp á eitt mesta úrval landsins af minjagripum, gjafavörum og öðrum tengdum vörum til sölu í heildsölu og í eigin Icemart verslunum undir nafninu Icemart. Mikill meirihluti viðskiptavina með minjagripi eru erlendir ferðamenn og þekking Icemart á þeim markaði er mikil.

Framleiðsla

Icewear hefur frá árinu 2012 rekið eina stærstu prjónastofu landsins sem staðsett er í Vík í Mýrdal og var um árabil rekin af heimamönnum undir nafninu Víkurprjón. Í Vík er prjónaðar margvíslegar ullarvörur úr íslenskri ull með áherslu á ullarpeysur, teppi og aðrar tengdar vörur sem síðan eru fullunnar á saumastofum fyrirtækisins á Hvolsvelli og í Ásbrú. Ullarvörurnar eru seldar í verslunum Icewear, í vefverslun og í heildsölu víða um heim. Alls starfa um 30 manns við framleiðslu á prjónafatnaði hjá Icewear á Íslandi.

Þjónustumiðstöðvar

Icewear hefur um árabil rekið þjónustumiðstöð Skarfabakka með góðum árangri og hefur því mikla reynslu af slíkum rekstri, en þar sem tekið er á móti farþegum skemmtiferðaskipa sem koma til Reykjavíkur og nú hefur fyrirtækið einnig tekið við rekstri þjónustumiðstöðvarinnar við Akureyrarhöfn. Þá hefur verslunar- og þjónustumiðstöð Icewear Magasín í Vík í Mýrdal verið einn fjölmennasti viðkomustaður ferðamanna á Íslandi undanfarin ár.

Reksturinn

Icewear / Drífa ehf hefur um árabil verið á lista Credit info yfir framúrskarandi fyrirtæki. Hjá Drífu starfar reynslumikið fólk á sviði framleiðslu, verslunar og þjónustu.

 

Stjórnendur

Eigandi Drífu ehf er Ágúst Þór Eiríksson.

 

Aðrir stjórnendur Icewear Drífu ehf eru:

Aðalsteinn Pálsson, Framkvæmdastjóri
            Aðalsteinn er menntaður viðskiptafræðingur frá Háskólanum á Akureyri og hefur starfað í smásölurekstri í yfir 20 ár. Áður var hann framkvæmdastjóri verslana NTC á Íslandi og um árabil framkvæmdastjóri Topshop í Danmörku.

Garðar Halldórsson , Fjármálastjóri
            Garðar er menntaður í rekstrarfræði frá háskólanum á Bifröst og hefur starfað hjá Drífu ehf síðastliðin 13 ár.

Einar Gunnþórsson, Sölu- og framleiðslustjóri
            Einar hefur starfað hjá Drífu í rúm 26 ár og hefur mikla þekkingu á ferðamannamarkaðnum á Íslandi.

Friðrik Þ. Stefánsson, Rekstrarstjóri verslana
            Friðrik er menntaður í verslunarstjórnun frá Háskólanum á Bifröst og hefur starfað hjá Drífu ehf undanfarin 4 ár og samtals um 15 ár í smásöluverslun