Fyrirtækið var stofnað árið 1972 á Hvammstanga undir nafninu Drífa, en þá var fyrirtækið rekið sem prjónastofa sem framleiddi íslenskar ullarvörur fyrir heildsala. Í dag er fyrirtækið betur þekkt undir nafninu Icewear, sem jafnframt er aðal vörulína fyrirtækisins. Markmið Icewear hefur frá upphafi verið að bjóða upp á vörur sem höfða til ferðamanna, en á undanförnum árum hefur Icewear einnig sótt í sig veðrið á meðal Íslendinga. Icewear útivistarfatnaðurinn er hannaður á Íslandi fyrir margbreytilega íslenska veðráttu þar sem mikilvægt er að geta brugðist rétt við aðstæðum. Icewear framleiðir einnig fjöldann allan af minjagripum fyrir ferðamenn á Íslandi, sem og mikið úrval af hefbundnum íslenskum lopapeysum. Nýjasta áherslan í vörulínu Icewear eru snjógallar og pollagallar á börn.

Icewear fatnaður er hannaður með það í huga hverju Íslendingar þurfa að klæðast til að fá sem besta vörn við óheftum veðuröflunum sem láta oft gamminn geisa á þessu fallega landi. Icewear býður því upp á fjölbreytilegt úrval af úlpum á góðu verði, enda er góð úlpa líklega ein mikilvægasta flíkin í fataskáp allra Íslendinga. Hjá Icewear má einnig finna margs konar útivistarklæðnað fyrir alla fjölskylduna fyrir hvaða aðstæður sem er, hvort sem þú ætlar upp á Hvannadalshnúk eða Esjuna. Breið vörulína Icewear býður upp á alklæðnað á alla fjölskylduna: grunnlag, miðlag og ysta lag, vettlinga og húfur, á góðu og sanngjörnu verði.